Kvam Slik kjem du deg ut på banen
Alt du treng å vite før første utkast: kvar banen ligg, når han er open, kva du bør ha med, og korleis vi held han fin.
Kvar
Norheimsvegen 185, 5600 Norheimsund. Gratis parkering ved hol 1 og 10, merkt med P på banekartet.
Når
Open 00:00–23:59 alle dagar, heile året. Inga påmelding og inga booking — berre møt opp.
Kor langt
18 hol, par 63. Blå tee er 1883 m samla, raud tee 1287 m.
Tre ting som er greie å vita
Last ned caddy book-en. Det er ikkje mobildekning overalt på banen, så PDF-en på telefonen er tryggare enn nettsida når du står på hol 11 og lurer på kvar korga er.
Sjekk banestatus. Er eit hol stengt for vedlikehald, dukkar det opp som eit banner øvst på denne sida.
Lokal pro shop. Manglar du diskar eller utstyr, er Kvam Disc Golf Shop den lokale discgolfbutikken i Hardanger — diskar, sekkar, korger og anna utstyr.
- Adresse Norheimsvegen 185, 5600 Norheimsund
- Opningstid 00:00–23:59, alle dagar heile året
- Hol 18 · par 63
- Teestader Blå 1883 m · Raud 1287 m
- Scorekort Kvam Disc Golf Course på UDisc
- Parkering Gratis, ved hol 1 og 10 (P på banekartet)
Vanleg folkeskikk
Banen ligg i eit turområde som mange brukar. Desse fire punkta held det trygt og trivelig for alle.
Kast aldri mot folk
Vent til gruppa framfor er godt utanfor rekkevidde — og til turgåarar, syklistar og hundar har passert. Ein disk i full fart gjer skade.
Slepp raskare grupper forbi
Spelar du åleine eller leitar etter ein disk, vink dei bak deg forbi. Det tek eit halvt minutt og sparar alle for irritasjon.
Ta med deg søppelet
Alt du tek med inn på banen, tek du med ut att. Ser du noko som ikkje høyrer heime der, plukk det gjerne opp.
Del området med andre
Banen deler areal med turgåarar og naboar. Hald deg til stiane mellom hola, og la gjerde, dyr og dyrka mark vere i fred.
Meld frå om hol som treng stell
Banen blir drifta på dugnad. På fadderordninga kan du gi kvart hol stjerner og kommentar, melde deg som hjelpar, eller ta ansvar for eit hol sjølv.